ജീവിതം ( കവിത )

Biju Abraham Atlanta.

പുഞ്ചിരി തൂകും നറുംനിലാവിന്റെ മോഹനഭംഗിയിൽ പുളകിതയായി പൂത്തുലഞ്ഞു നിശാഗന്ധി .
സന്തോഷത്തിമിർപ്പിൽ മദിച്ചൊരാ പുഷ്പ്പം അറിഞ്ഞില്ല നിലാവിൻ ഭംഗി മറഞ്ഞിടും അതിവേഗം തൻ ആയുസ്സുംഒപ്പം .ശോഭിതയായ് വിരിഞ്ഞു പരിലസിച്ചൊരാ റോസാ കുസുമം എന്തേ അറിഞ്ഞില്ല തൻ മോഹനരൂപം കൊഴിഞ്ഞു പോകും ക്ഷണത്തിൽ ഒരു ചെറു സ്വപ്നം പോലെ . സൗന്ദര്യം പൊലിഞ്ഞിടും , ക്ഷയിച്ചിടും ആരോഗ്യവും , മറഞ്ഞിടും ആയുസ്സും വെറുമൊരു നിഴൽ പോലെ . അഹങ്കരിക്കാൻ എന്തുണ്ട് ഈ ലോകത്തിൽ മനുജാ നീ മറന്നിടല്ലേ നിൻ ജീവിതം വെറും ക്ഷണികം അല്ലെ .
…………….