പുതു മഞ്‌ ( കവിത )🍁

Biju Abraham Atlanta.

ശൈത്യത്തിൻ ശക്തി ഏറി വന്നൊടുവിലായ്
പെയ്തിറങ്ങുന്നു ശുഭ്രമാം മഞ്ഞിൻ കണങ്ങൾ കാഴ്ചക്ക് വിരുന്നായി .

എല്ലാ സ്ഥലങ്ങളും , മരങ്ങളും , കുളങ്ങളും കാണുന്നതെല്ലാം മറയ്ക്കുന്നു ആരോ “നന്നായ് വെളുപ്പിച്ച വെളുത്ത പുതപ്പിനാൽ”.

“പാൽപാത്രം “വീണുടഞ്ഞപോലെ , “വെണ്മേഘം “താഴേക്ക് പതിച്ച പോലെ സുന്ദരമായ ഈ “വിസ്താര പന്തലിൽ” വിരുന്നു വന്നെത്തുന്നു “ചന്ദ്രബിംബം “.

നറു നിലാവിന്റെ ചെറുപുഞ്ചിരിയിൽ
പുളകിതരാകുന്നു വെന്മേഘ ശകലങ്ങൾ .

എവിടെയും വെള്ളി തോരണങ്ങൾ കെട്ടിടാൻ ബദ്ധ പ്പെട്ടോടിടുന്നു “വെള്ളി ഉടുപ്പിട്ട നക്ഷത്ര കുഞ്ഞുങ്ങൾ “.

കണ്ണിനു പുളകമായ് ഇത്രയും രമ്യമായി ഈ ഭൂമിയെ ചമച്ച ഈശൻ .

തൻ സൃഷ്ടിയിൻ മകുടമാം മനുഷ്യന് വേണ്ടി ഭാവിയിൽ
കരുതുന്നതെത്ര സ്രേഷ്ടമാകും .